ANG PANDAY

                                    Kaputol na bakal na galing sa bundok.
                                        sa dila ng apoy kanyang pinalambot;
                                    sa isang pandaya'y matyagang pinukpok
                                        at pinagkahugis sa nasa ng loob.

                                    Walang ano-ano'y naging kagamitan,
                                         araro na pala ang bakal na iyan;
                                     Ang mga bukiri'y payapang binungkal,
                                         nang magtaniman na'y masayang tinamnan.

                                     Nguni't isang araw'y nagkaroon ng gulo
                                          at ang boong bayan ay bulkang sumubo,
                                      tanang mamamaya'y nagtayo ng hukbo

                                          pagka't may laban nang nag-aalimpuyo!

                                     Ang lumang araro'y pinagbagang muli

                                          atsaka pinanday nang nagdudumali,
                                     naging tabak namang tila humihingi,

                                          ng paghihiganti ng lahing sinawi!

                                     Kaputol na bakal na kislap ma'y wala,
                                          ang kahalagahan ay di matingkala,
                                     ginawang araro: pangbuhay ng madla
                                           ginawang sandata: pananggol ng bansa!

                                     Pagmasdan ang panday, nasa isang tabi,
                                         bakal na hindi man makapagmalaki;
                                     subali't sa kanyang kamay na marumi

                                         ay naryan ang buhay at pagsasarili!




Ang  "Ang Panday" ay uang nalathala sa aklat na Kayumanggi ng mayakda at
sumunod sa antolohiya ni J.C.  Laya na pinamagatan namang Diwang
Kayumanggi.  Ang tulang nabanggit ay may tatlong bersiyon, sa
iba't-ibang dekada.